| Главная » Файлы » для девушек Axjikneri Hamar » Նորաձև, Стильные, stylish |
| 10.01.2013, 20:53 | |
Հագուստը պետք է տեղ թողնի տղամարդու երևակայության համար: Այս խոսքը ասես ստեղծված լինի' բնորոշելու հենց ժանյակազարդ զգեստները: Դրանք երբեք դուրս չեն գալիս նորաձևությունից ու միշտ էլ ակտուալ կմնան, որովհետև դեռևս չի ստեղծվել մի կտոր, որն ավելի քան ժանյակը կարողանա ընդգծել մեր կանացիությունը: Ցավոք, շատ կանանց չի հաջողվում ժանյակը տեղին օգտագործել, և նրանք ստանում են մի քիչ վուլգար տեսք: Այսօր կփորձենք պարզել, թե ինչպես է պետք համադրել ժանյակը:
Ժանյակն ինքն արդեն աչքի ընկնող տեսք ունի և պետք չէ համադրել այն վառ' առավել ևս կոնտրաստային գույների հետ, բացառությամբ սև - սպիտակ գամմայի: Զարդեղենի հարցում ևս պետք է զգույշ լինել: Ժանյակազարդ հագուստը այնքան ընդգծված է, որ այն պետք է համադրել ավելի համեստ բիժուտերիայի հետ: Բավարարվեք փոքրիկ օղերով, բարակ շղթայով ու նույնպիսի ապարանջանով:
Բոլորին էլ հայտնի է, որ ժանյակը իդեալական համադրություն է կազմում մարգարիտի հետ, բայց պետք է նկատի ունենալ, որ այդ համադրությունը Ձեր կերպարին մի քանի ավելորդ տարի կավելացնի, փոքր չէ հավանականությունը, որ Դուք ավելի մեծ կերևաք, քան կաք իրականում: Այսօր նորաձևությունը լքել է նաև խոշոր նախշերով ժանյակը: Դրա փոխարեն ընտրեք փոքրիկ, բայց խիտ նախշերով զգեստներ:
Ժանյակը ավելի ճոխ տեսք է ստանում, երբ Ձեր վրայի բոլոր դետալները գունային միևնույն գամմայի մեջ են: Ժանյակից կարված բլուզը կարելի է համադրել անհավասար փեշերով շրջազգեստի հետ: Բասկա տիպի բլուզները հիանալի են նայվում ժանեկակար շրջազգեստի հետ: Ժանյակից շորտե՞ր, իսկ ինչու ոչ: Կարևորը, որ ժանյակը ամուր լինի:
Սպիտակ ժանյակն ամենաանվտանգն է: Դրա դեպքում սխալի հավանականությունն է փոքր: Պետք է նկատի առնել նաև այն, որ ժանյակն անկախ ամեն ինչից հիանալի է նայվում հատկապես պարզ դասական ոճում' առանց ավելորդությունների: | |
| Просмотров: 1905 | Загрузок: 0 | | |
| Всего комментариев: 0 | |